in donon ghar kaa khaana khuda kaun gair hai

In donon ghar kaa khaana-khuda kaun ghair hai Shaikh-e-haram abas the inkaar-e-dair hai Ai yaar-e-be-khabar too miree le na le khabar Vird-e-zabaan tiraa hee mujhe zikr-e-khair hai Gheebat men kya ta.alluq use yaad se miree Kuch kaam us kaa aTkaa bhalaa mujh baghair hai Parvaa hai kab use mire raf.a-e-malaal se Gah shaaghil-e-shikaar kabhi gasht-e-sair hai Be-vaj.h kya hain ham se ye be-rooiyaan tiree Kya ham men aur tujh men kisee roo se bair hai Insaan rakkhe ishq kee nisbat se imtiyaaz Yuun qaid-e-khvaab-o-khur men to har vahsh-o-tair hai Apnee galee men dekh ke 'hasrat' ko bolaa yaar Chal jaa pare ho duur agar teree khair hai