jaan kar kahtaa hai ham se apne jaane ki khabar

Jaan kar kahtaa hai ham se apne jaane kee khabar Jee Dubaa detee hai meraa ye bahaane kee khabar Is chaman men kaun hai dil-soz apna tujh sivaa Rakhiyo Tuk ai barq mere aashiyaane kee khabar Poochhtaa niin apne kooche men too meraa haal haa.e Le thee lailaa dasht men apne divaane kee khabar Hain qafas men jab se ham us sang-dil sayyaad ke Ashk hee letaa hai meraa aab-o-daane kee khabar Ham na jaanen kis taraf ka.aba hai aur keedhar hai dair Ek rahtee hai yahee us dar pe jaane kee khabar Har gul-e-daagh-e-junoon par aur hai Kuch aab-o-rang Pher hai gulshan men goyaa gul ke aane kee khabar Aaj siine men mire dil hai nipaT hee be-qaraar De hai 'hasrat' ghair ke ghar us ke jaane kee khabar