jo hamen chaahe us ke chaakir hain
— Hasrat Azimabadi
Jo hamen chaahe us ke chaakir hain
Yaar-e-shaatir na baar-e-khaatir hain
Yaad hai ham se pyaar se kahnaa
Tujh se ham sab tarah se haazir hain
Dil uThaavenge tujh se taa-maqdoor
Sabr karne pe go na qaadir hain
Yaar o aashiq baham muaafiq hon
Ittifaaq aise shaaz-o-naadir hain
Vasl kee bin na aa.ee kuch tadbeer
Ham se kam aashiqon men bad-bir hain
Kuch qusoor apnee bandagee men nahin
Bandagee se agar muqassir hain
'hasrat' ishq-e-butaan se maang amaan
Jitne hain sab ye sakht kaafir hain