kab talak piivegaa tuu tar daamanon se mil ke mul
— Hasrat Azimabadi
Kab talak peevegaa too tar-daamanon se mil ke mul
Ek dam ai ghuncha-lab ham se kabhi to khil ke khul
Be-sar-o-bargon ko kya nisbat hai sair-e-baagh se
Daagh-e-dil hain ham tahee-dastaan-e-paa dar-gil ke gul
Us kee jang-e-be-sabab kaa hai taghaaful hee ilaaj
Aap Dhelaa ho ke aavegaa idhar Dhal Dhal ke Dhul
Zer-e-abroo is tarah mizhgaan nahin rahtee mudaam
Sar pe mere juun rahe hai tegh us qaatil kee tul
Rabt Kuch bazm-e-mashaa.ekh se nahin rindon ke ta.iin
Kab liye ye mast saaghar ke sivaa qulqul kee qul
Ho sake to bakhiya o marham kaa yaaro vaqt hai
Jaan na jaave is tan-e-majrooh men ghaa.el ke ghul
Baa-qad-e-kham-gashta hoon rone se nit ke main kharaab
Mauj-e-Dariya toDte hain jis tarah pil pil ke pul
Chille kee maanind kheenchoon jab talak bar men na tang
Kab miTe hai us but-e-harjaa.ee-e-chanchal kee chul
Daur men us zulf ke hai bas ki deevaanon kee dhuum
Suntaa hoon chaaron taraf se main sadaa-e-ghul ke ghul
'hasrat' us ke daam men phansnaa muqaddar thaa miraa
The miree nazron men to pech-o-kham us kaakul ke kul