raah raste men tuu yuun rahtaa hai aa kar ham se mil

Raah-raste men too yuun rahtaa hai aa kar ham se mil Kam gaya lekin wo yaar-e-khaangee ghar ham se mil Dil taDaptaa hai paDaa is seena-e-sad-chaak men Khol kar band-e-qabaa too ai saman-bar ham se mil Be-niyaaz us husn ko aur naaz ko barpaa rakhe Be-takalluf ho ke too ai naaz-parvar ham se mil Pahunchnaa tum tak miyaan apna to ik ashkaal hai Hove taa milnaa tiraa ham ko mayassar ham se mil Har museebat bhar ke main pahunchaa hoon tere dar talak Be-muravvat ek dam aa ghar se baahar ham se mil Ab to us be-dast-o-paa se ho nahin saktee talaash DhoonD le kar ham ko ai rizq-e-muqaddar ham se mil In dinon rahtee hai mujh ko be-qaraaree beshtar Qasd kar ke to mukarrar aur muqarrar ham se mil Ser rakhtee hain miree be-taabi.en us vaqt zor Harf hamaaraa gar nahin hai tujh ko baavar ham se mil Ho gaya teree havaa-khvaahee men 'hasrat' too ba-baad BaiThaa kya hai khaak men ham ko milaa kar ham se mil