yaar ibtidaa e ishq se be zaar hi raha

Yaar ibtidaa-e-ishq se be-zaar hee raha Bedard dil ke dar piye aazaar hee raha Jis din se dost rakhtaa hoon us ko hijaab-e-husn Apna hamesha dushman-e-deedaar hee raha Ye ishq-e-parda-dar na chhupaayaa chhupaa daregh Siitaa hamesha main lab-e-iz.haar hee raha Qaid-e-farang-e-zulf na kaafir ko ho naseeb Jo vaan phansaa hamesha giraftaar hee raha Jaan-bakhsh thaa jahaan kaa maseehaa-e-lab tiraa Lekin main us ke daur men beemaar hee raha Gar qatl-e-be-gunaah thaa manzoor yaar ko Marne pe apne main bhee to tayyaar hee raha Dauraan-e-lutf main tire ai mub.hvis-navaaz Mahroom vasl se ye gunahgaar hee raha 'hasrat' hamesha us kee shab-e-intizaar men Juun taala-e-raqeeb main bedaar hee raha