aap ne qadr Kuch na ki dil ki

Aap ne qadr Kuch na kee dil kee UD ga.ee muft men hansee dil kee Khoo hai az-bas ki aashiqee dil kee Gham se vaabasta hai khushee dil kee Yaad har haal men rahe wo mujhe Al-gharaz baat rah ga.ee dil kee Mil chukee ham ko un se daad-e-wafa Jo nahin jaante lagee dil kee Chain se mahv-e-khvaab-e-naaz men wo Bekalee ham ne dekh lee dil kee Hama-tan sarf-e-hoshyaari-e-ishq Kuch ajab shai hai be-khudee dil kee Un se Kuch to milaa wo gham hee sahee Aabroo Kuch to rah ga.ee dil kee Mar miTe ham na ho sakee puuree Aarzoo tum se ek bhee dil kee Wo jo bigDe raqeeb se 'hasrat' Aur bhee baat ban ga.ee dil kee