ab to uth saktaa nahin aankhon se baar e intizaar

Ab to uTh saktaa naheen aankhon se baar-e-intizaar Kis tarah kaaTe koee lail-o-nahaar-e-intizaar Un kee ulfat kaa yaqeen ho un ke aane kee umiid Hon ye donon sooraten to hai bahaar-e-intizaar Jaan-o-dil kaa haal kya kahiye firaaq-e-yaar men Jaan majrooh-e-alam hai dil figaar-e-intizaar Meree aahen naa-rasaa meree duaa.en naa-qubool Yaa-ilaahee kya karoon main sharmsaar-e-intizaar Un ke khat kee aarzoo hai un kee aamad kaa khayaal Kis qadar phailaa huaa hai kaar-o-baar-e-intizaar Hai dil-e-masroor-e-'hasrat' ik tarab-zaar-e-umeed Phoonk Daale gar na is gulshan ko naar-e-intizaar