apna saa shauq auron men laaen kahaan se ham

Apna saa shauq auron men laa.en kahaan se ham Ghabraa ga.e hain be-dili-e-hamrahaan se ham Kuch aisi duur bhee to nahin manzil-e-muraad Lekin ye jab ki chhooT chalen kaarvaan se ham Ai yaad-e-yaar dekh ki baa-vasf-e-ranj-e-hijr Masroor hain tiree khalish-e-naa-tavaan se ham Maaloom sab hai poochhte ho phir bhee mudda.aa Ab tum se dil kee baat kahen kya zabaan se ham Ai zohd-e-khushk teree hidaayat ke vaaste Saughaat-e-ishq laa.e hain koo-e-butaan se ham Betaabiyon se chhup na sakaa haal-e-aarzoo Aakhir bache na us nigah-e-bad-gumaan se ham Peeraana-sar bhee shauq kee himmat buland hai Khvaahaan-e-kaam-e-jaan hain jo us naujavaan se ham Maayoos bhee to karte nahin tum za-raah-e-naaz Tang aa ga.e hain kashmakash-e-imtihaan se ham Khalvat banegee tere gham-e-jaan-navaaz kee Lenge ye kaam apne dil-e-shaadmaan se ham Hai intihaa-e-yaas bhee ik ibtidaa-e-shauq Phir aa ga.e vaheen pe chale the jahaan se ham 'hasrat' phir aur jaa ke karen kis kee bandagee Achchhaa jo sar uThaa.en bhee is aastaan se ham