dekhnaa bhi to unhen duur se dekhaa karnaa

Dekhnaa bhee to unhen duur se dekhaa karnaa Sheva-e-ishq naheen husn ko rusvaa karnaa Ik nazar bhee tiree kaafee thee pa-e-raahat-e-jaan Kuch bhee dushvaar na thaa mujh ko shakebaa karnaa Un ko yaan vaade pe aa lene de ai abr-e-bahaar Jis qadar chaahnaa phir baad men barsaa karnaa Shaam ho yaa ki sahar yaad unheen kee rakhnee Din ho yaa raat hamen zikr unheen kaa karnaa Saum zaahid ko mubaarak rahe aabid ko salaat Aasiyon ko tiree rahmat pe bharosaa karnaa Aashiqo husn-e-jafaakaar kaa shikva hai gunaah Tum khabardaar khabardaar na aisa karnaa Kuch samajh men naheen aataa ki ye kya hai 'hasrat' Un se mil kar bhee na iz.haar-e-tamannaa karnaa