dil ko khayaal e yaar ne makhmuur kar diyaa

Dil ko khayaal-e-yaar ne makhmoor kar diyaa Saaghar ko rang-e-baada ne pur-noor kar diyaa Maanoos ho chalaa tha tasallee se haal-e-dil Phir too ne yaad aa ke ba-dastoor kar diyaa Gustaakh-dastiyon kaa na tha mujh men hausla Lekin hujoom-e-shauq ne majboor kar diyaa Kuch aisi ho ga.ee hai tere gham men mubtilaa Goyaa kisee ne jaan ko mas.hoor kar diyaa Betaabiyon se chhup na sakaa maajraa-e-dil Aakhir huzoor-e-yaar bhee mazkoor kar diyaa Ahl-e-nazar ko bhee nazar aayaa na roo-e-yaar Yaan tak hijaab-e-noor ne mastoor kar diyaa 'hasrat' bahut hai martaba-e-aashiqee buland Tujh ko to muft logon ne mash.hoor kar diyaa