dil men kya kya havas e diid badhaaii na gaii

Dil men kya kya havas-e-deed baDhaa.ee na ga.ee Roo-ba-roo un ke magar aankh uThaa.ee na ga.ee Ham razaa-sheva hain taaveel-e-sitam khud kar len Kya huaa un se agar baat banaa.ee na ga.ee Ye bhee aadaab-e-mohabbat ne gavaaraa na kiyaa Un kee tasveer bhee aankhon se lagaa.ee na ga.ee Aah wo aankh jo har samt rahi saa.iqa-paash Wo jo mujh se kisee unvaan milaa.ee na ga.ee Ham se poochhaa na gaya naam-o-nishaan bhee un kaa Justujoo kee koi tamheed uThaa.ee na ga.ee Dil ko thaa hausla-e-arz-e-tamannaa so unhen Sarguzisht-e-shab-e-hijraan bhee sunaa.ee na ga.ee Gham-e-dooree ne kashaakash to bahut kee lekin Yaad un kee dil-e-'hasrat' se bhulaa.ee na ga.ee