duaa men zikr kyuun ho muddaaa kaa

Duaa men zikr kyuun ho mudda.aa kaa Ki ye sheva nahin ahl-e-razaa kaa Talab meree bahut Kuch hai magar kya Karam teraa hai ik Dariya ataa kaa Kahaan tak naaz uThaa.e aakhir ai husn Havas tere mizaaj-e-khud sataa kaa Nahin maaloom kya ai shaah-e-khoobaan Tujhe Kuch haal apne mubtilaa kaa Bajaa-e-ism-e-aazam aap kaa naam Vazeefa hai miraa sub.h o masaa kaa Ghazab kaa saamnaa hai aashiqon ko Dayaar-e-haq men afvaaj-e-balaa kaa Nisaar un par hue achchhe rahe ham Taqaazaa thaa yahee khoo-e-wafa kaa Gunahgaaro chalo afv-e-ilaahee Bahut mushtaaq hai arz-e-khataa kaa Tiree mahfil men ahl-e-dil ko jalva Nazar aa jaa.egaa shaan-e-khuda kaa UThaayaa hai mazaa dil ne bahut Kuch Mohabbat ke gham-e-raahat-fazaa kaa Jafaa ko bhee wafa samjho ki 'hasrat' Tumhen haq un se kya choon-o-charaa kaa