haail thii biich men jo razaaii tamaam shab

Haa.il thee biich men jo razaa.ee tamaam shab Is gham se ham ko niind na aa.ee tamaam shab Kee yaas se havas ne laDaa.ee tamaam shab Tum ne to khuub raah dikhaa.ee tamaam shab Phir bhee to khatm ho na sakee aarzoo kee baat Har chand ham ne un ko sunaa.ee tamaam shab Bebaak milte hee jo hue ham to sharm se Aankh us paree ne phir na milaa.ee tamaam shab Dil khuub jaantaa hai ki tum kis khayaal se Karte rahe adoo kee buraa.ee tamaam shab Phir shaam hee se kyuun wo chale the chhuDaa ke haath Dukhtee rahee jo un kee kalaa.ee tamaam shab 'hasrat' se Kuch wo aate hee aise hue khafaa Phir ho sakee na un se safaa.ee tamaam shab