hai mashq e sukhan jaarii chakkii ki mashaqqat bhi

Hai mashq-e-sukhan jaaree chakkee kee mashaqqat bhee Ik turfa tamaashaa hai 'hasrat' kee tabee'at bhee Jo chaaho sazaa de lo tum aur bhee khul khelo Par ham se qasam le lo kee ho jo shikaayat bhee Dushvaar hai rindon par inkaar-e-karam yaksar Ai saaqi-e-jaan-parvar kuch lutf-o-'inaayat bhee Dil bas-ki hai deevaana us husn-e-gulaabee kaa Rangeen hai usee roo se shaayad gham-e-furqat bhee Khud 'ishq kee gustaakhee sab tujh ko sikhaa degee Ai husn-e-hayaa-parvar shokhee bhee sharaarat bhee Barsaat ke aate hee tauba na rahi baaqee Baadal jo nazar aa.e badlee meree neeyat bhee 'ushshaaq ke dil naazuk us shokh kee khoo naazuk Naazuk isee nisbat se hai kaar-e-mohabbat bhee Rakhte hain mire dil par kyuun tohmat-e-betaabee Yaan naala-e-muztar kee jab mujh men ho quvvat bhee Ai shauq kee bebaakee wo kya teree khwaish thee Jis par unhen ghussa hai inkaar bhee hairat bhee Har-chand hai dil shaidaa hurriyat-e-kaamil kaa Manzoor-e-duaa lekin hai qaid-e-mohabbat bhee Hain 'shaad' o 'safee' shaa'ir yaa 'shauq' o 'wafa' 'hasrat' Phir 'zaamin' o 'mahshar' hain 'iqbaal' bhee 'vahshat' bhee