ham ne kis din tire kuuche men guzaaraa na kiyaa

Ham ne kis din tire kooche men guzaaraa na kiyaa Too ne ai shokh magar kaam hamaaraa na kiyaa Ek hee baar huiin vaj.h-e-giraftaaree-e-dil Iltifaat un kee nigaahon ne dubaaraa na kiyaa Mahfil-e-yaar kee rah jaa.egee aadhee raunaq Naaz ko us ne agar anjuman-aaraa na kiyaa Taan-e-ahbaab sune sarzanish-e-khalq sahee Ham ne kya kya tiree khaatir se gavaaraa na kiyaa Jab diyaa tum ne raqeebon ko diyaa jaam-e-sharaab Bhuul kar bhee miree jaanib ko ishaaraa na kiyaa Roo-ba-roo chashm-e-tasavvur ke wo har vaqt rahe Na sahee aankh ne gar un kaa nazaaraa na kiyaa Gar yahee hai sitam-e-yaar to ham ne 'hasrat' Na kiyaa Kuch bhee jo Dunya se kinaaraa na kiyaa