husn e be mehr ko parvaa e tamannaa kya ho
— Hasrat Mohani
Husn-e-be-mehr ko parvaa-e-tamannaa kya ho
Jab ho aisa to ilaaj-e-dil-e-shaidaa kya ho
Kasrat-e-husn kee ye shaan na dekhee na sunee
Barq larzaan hai koi garm-e-tamaashaa kya ho
Be-misaalee ke hain ye rang jo baa-vasf-e-hijaab
Be-naqaabee pe tiraa jalva-e-yaktaa kya ho
Dekhen ham bhee jo tire husn-e-dil-aaraa kee bahaar
Is men nuqsaan tiraa ai gul-e-raa'naa kya ho
Ham gharaz-mand kahaan martaba-e-ishq kahaan
Ham ko samjhen wo havas-kaar to bejaa kya ho
Dil-farebee hai tiree baa.is-e-sad josh o kharosh
Haal ye ho to dil-e-zaar shakebaa kya ho
Raat din rehne lagee us sitam-eejaad kee yaad
'hasrat' ab dekhiye anjaam hamaaraa kya ho