kaise chhupaauun raaz e gam diida e tar ko kya karoon
— Hasrat Mohani
Kaise chhupaa.oon raaz-e-gham deeda-e-tar ko kya karoon
Dil kee tapish ko kya karoon soz-e-jigar ko kya karoon
Shorish-e-aashiqee kahaan aur meree saadgee kahaan
Husn ko tere kya kahoon apnee nazar ko kya karoon
Gham kaa na dil men ho guzar vasl kee shab ho yuun basar
Sab ye qubool hai magar khauf-e-sahar ko kya karoon
Haal meraa thaa jab batar tab na huee tumhen khabar
Ba.ad mere huaa asar ab main asar ko kya karoon