mahruum e tarab hai dil e dil giir Abhi tak

Mahroom-e-tarab hai dil-e-dil-geer abhee tak Baaqee hai tire ishq kee taaseer abhee tak Vasl us but-e-bad-khoo kaa mayassar naheen hota Vaabasta-e-taqdeer hai tadbeer abhee tak Ik baar sunee thee so mire dil men hai maujood Ai jaan-e-tamannaa tiree taqreer abhee tak Seekhee thee jo aaghaaz-e-mohabbat men qalam ne Baaqee hai wo rangeeni-e-tahreer abhee tak Is darja na betaab ho ai shauq-e-shahaadat Hai miyaan men us shokh kee shamsheer abhee tak Kahne ko to main bhuul gaya hoon magar ai yaar Hai khaana-e-dil men tiree tasveer abhee tak Bhoolee naheen dil ko tiree duzdeeda-nigaahee Pahloo men hai Kuch Kuch khalish-e-teer abhee tak The haq pe wo be-shak ki na hote to na hota Dunya men bapaa maatam-e-'shabbeer' abhee tak Guzre bahut ustaad magar rang-e-asar men Be-misl hai 'hasrat' sukhan-e-'meer' abhee tak