na sahii gar unhen khayaal nahin

Na sahee gar unhen khayaal naheen Ki hamaaraa bhee ab wo haal naheen Yaad unhen waada-e-visaal naheen Kab kiyaa thaa yahee khayaal naheen Aise bigDe wo sun ke shauq kee baat Aaj tak ham se bol-chaal naheen Mujh ko ab gham ye hai ki baad mire Khaatir-e-yaar be-malaal naheen Afv-e-haq kaa hai mai-kashon pe nuzool Rezish-e-abr-e-barshagaal naheen Ham pe kyuun arz-e-haal-e-dil pe itaab Elchee ko kaheen zavaal naheen Sun ke mujh se wo khvaahish-e-paa-bos Hans ke kahne lage majaal naheen Dil ko hai yaad shauq kaa wo hunar Jis se baDh kar koee kamaal naheen Aap naadim na hon ki 'hasrat' se Shikva-e-gham kaa ehtimaal naheen