qismat e shauq aazmaa na sake

Qismat-e-shauq aazmaa na sake Un se ham aankh bhee milaa na sake Ham se yaan ranj-e-hijr uTh na sakaa Vaan wo majboor the wo aa na sake Dar ye thaa ro na den kaheen wo unhen Ham hansee men bhee gudgudaa na sake Ham se dil aap ne uThaa to liyaa Par kaheen aur bhee lagaa na sake Ab kahaan tum kahaan wo rabt-e-wafa Yaad bhee jis kee ham dilaa na sake Dil men kya kya the 'arz-e-haal ke shauq Us ne poochhaa to Kuch bataa na sake Ham to kya bhoolte unhen 'hasrat' Dil se wo bhee hamen bhulaa na sake