tire dard se jis ko nisbat nahin hai

Tire dard se jis ko nisbat naheen hai Wo raahat museebat hai raahat naheen hai Junoon-e-mohabbat kaa deevaana hoon main Mire sar men sauda-e-hikmat naheen hai Tire gham kee Dunya men ai jaan-e-aalam Koee ruuh mahroom-e-raahat naheen hai Mujhe garm-e-nazzaara dekhaa to hans kar Wo bole ki is kee ijaazat naheen hai Jhukee hai tire baar-e-irfaan se gardan Hamen sar uThaane kee fursat naheen hai Ye hai un ke ik roo-e-rangeen kaa partav Bahaar-e-tilism-e-lataafat naheen hai Tire sarfaroshon men hai kaun aisa Jise dil se shauq-e-shahaadat naheen hai Taghaaful kaa shikva karoon un se kyoonkar Wo kah denge too be-muravvat naheen hai Wo kahte hain shokhee se ham dilrubaa hain Hamen dil navaazee kee aadat naheen hai Shaheedaan-e-gham hain subuk ruuh kya kya Ki us dil pe baar-e-nadaamat naheen hai Namoona hai takmeel-e-husn-e-sukhan kaa Guhar baari-e-tabaa-e-hasrat naheen hai