us but ke pujaarii hain musalmaan hazaaron

Us but ke pujaaree hain musalmaan hazaaron BigDe hain isee kufr men eemaan hazaaron Dunya hai ki un ke rukh o gesoo pe miTee hai Hairaan hazaaron hain pareshaan hazaaron Tanhaa.ee men bhee tere tasavvur kee badaulat Dil-bastagi-e-gham ke hain saamaan hazaaron Ai shauq tiree pasti-e-himmat kaa buraa ho Mushkil hue jo kaam the aasaan hazaaron Aankhon ne tujhe dekh liyaa ab unhen kya gham Haalaanki abhee dil ko hain armaan hazaaron Chhaane hain tire ishq men aashufta-saree ne Dunya-e-museebat ke bayaabaan hazaaron Ik baar thaa sar gardan-e-'hasrat' pe rahenge Qaatil tiree shamsheer ke ehsaan hazaaron