wo chup ho gae mujh se kya kahte kahte

Wo chup ho ga.e mujh se kya kahte kahte Ki dil rah gaya mudda.aa kahte kahte Miraa ishq bhee khud-gharaz ho chalaa hai Tire husn ko bevafaa kahte kahte Shab-e-gham kis aaraam se so ga.e hain Fasaana tiree yaad kaa kahte kahte Ye kya paD ga.ee khoo-e-dushnaam tum ko Mujhe naa-sazaa barmalaa kahte kahte Khabar un ko ab tak nahin mar miTe ham Dil-e-zaar kaa maajraa kahte kahte Ajab kya jo hai bad-gumaan sab se vaa.iz Buraa sunte sunte buraa kahte kahte Wo aa.e magar aa.e kis vaqt 'hasrat' Ki ham chal base marhabaa kahte kahte