yaad kar wo din ki teraa koi saudaaii na tha

Yaad kar wo din ki teraa koi saudaai na tha Baavajood-e-husn too aagaah-e-raanaa.ee na tha Ishq-e-roz-afzoon pe apne mujh ko hairaanee na thee Jalva-e-rangeen pe tujh ko naaz-e-yaktaa.ee na tha Diid ke qaabil thee mere ishq kee bhee saadgee Jabki teraa husn sargarm-e-khud-aaraa.ee na tha Kya hue wo din ki mahv-e-aarzoo the husn o ishq Rabt tha donon men go rabt-e-shanaasaa.ee na tha Too ne 'hasrat' kee ayaan tahzeeb-e-rasm-e-aashiqee Is se pahle aitbaar-e-shaan-e-rusvaa.ee na tha