ai mire soch nagar ki raanii

Tujh se jo main ne pyaar kiyaa hai tere liye? nahin apne liye Vaqt kee be-unvaan kahaanee kab tak be-unvaan rahe Ai mire soch-nagar kee raanee ai mire khuld-e-khayaal kee huur Itne dinon jo main ghultaa raha hoon tere binaa yoonhee duur hee duur Soch to kya phal mujh ko milaa main man se gaya phir tan se gaya Shahr-e-vatan men ajnabee Thahraa aakhir shahr-e-vatan se gaya Ruuh kee pyaas bujhaanee thee par yahaan honTon kee pyaas bhee bujh na sakee Bachte sambhalte bhee ek sulagtaa rog banee mire jee kee lagee Duur kee baat na soch abhee mire haat men too zaraa haat to de Tujh se jo main ne pyaar kiyaa hai tere liye? nahin apne liye Baagh men hai ik bele kaa takhta bheenee hai is bele kee sugandh Ai kaliyo kyuun itne dinon tum rakkhe raheen ise god men band Kitne hee ham se ruup ke rasiyaa aa.e yahaan aur chal bhee diye Tum ho ki itne husn ke hote ek na daaman thaam sake Sehn-e-chaman par bhaunron ke baadal ek hee pal ko chhaa.enge Phir na wo jaa kar lauT sakenge phir na wo jaa kar aa.enge Ai mire soch-nagar kee raanee waqt kee baaten rang aur boo Har koi saath kisee kaa DhoonDe gul hon ki bele main hoon ki too Jo kuch kahnaa hai abhee kah le jo kuch sunnaa hai sun le Tujh se jo main ne pyaar kiyaa hai tere liye? nahin apne liye Dil kee na poochho kya kuch chaahe dil kaa to phailaa hai daaman Giit se gaal ghazal see aankhen saa.ad-e-seemeen barg-e-dahan JuuDe ke inheen phoolon ko dekho kal kee see in men baas kahaan Ek ik taaraa kar ke Duubee maathe kee tannaaz afshaan Sahne kaa dukh sah na sake ham kahne kee baaten kah na sake Paas tire kabhi aa na sake ham duur bhee tujh se rah na sake Kis se kahe ab ruuh kee biptaa kis ko sunaa.e man kee baat Duur kee raah bhaTaktaa raahee jeevan-raat ghaneree raat HonTon kee pyaas bujhaanee hai ab tire jee ko ye baat lage na lage Tujh se jo main ne pyaar kiyaa hai tere liye? nahin apne liye Tujh se jo main ne pyar kiya hai tere liye? nahin apne liye Waqt ki be-unwan kahani kab tak be-unwan rahe Ai mere soch-nagar ki rani ai mere KHuld-e-KHayal ki hur Itne dinon jo main ghulta raha hun tere bina yunhi dur hi dur Soch to kya phal mujh ko mila main man se gaya phir tan se gaya Shahr-e-watan mein ajnabi Thahra aaKHir shahr-e-watan se gaya Ruh ki pyas bujhani thi par yahan honTon ki pyas bhi bujh na saki Bachte sambhalte bhi ek sulagta rog bani mere ji ki lagi Dur ki baat na soch abhi mere hat mein tu zara hat to de Tujh se jo main ne pyar kiya hai tere liye? nahin apne liye Bagh mein hai ek bele ka taKHta bhini hai is bele ki sugandh Ai kaliyo kyun itne dinon tum rakkhe rahin ise god mein band Kitne hi hum se rup ke rasiya aae yahan aur chal bhi diye Tum ho ki itne husn ke hote ek na daman tham sake Sehn-e-chaman par bhaunron ke baadal ek hi pal ko chhaenge Phir na wo ja kar lauT sakenge phir na wo ja kar aaenge Ai mere soch-nagar ki rani waqt ki baaten rang aur bu Har koi sath kisi ka DhunDe gul hon ki bele main hun ki tu Jo kuch kahna hai abhi kah le jo kuch sunna hai sun le Tujh se jo main ne pyar kiya hai tere liye? nahin apne liye Dil ki na puchho kya kuch chahe dil ka to phaila hai daman Git se gal ghazal si aankhen saad-e-simin barg-e-dahan JuDe ke inhin phulon ko dekho kal ki si in mein bas kahan Ek ek tara kar ke Dubi mathe ki tannaz afshan Sahne ka dukh sah na sake hum kahne ki baaten kah na sake Pas tere kabhi aa na sake hum dur bhi tujh se rah na sake Kis se kahe ab ruh ki bipta kis ko sunae man ki baat Dur ki rah bhaTakta rahi jiwan-raat ghaneri raat HonTon ki pyas bujhani hai ab tere ji ko ye baat lage na lage Tujh se jo main ne pyar kiya hai tere liye? nahin apne liye