darvaaza khulaa rakhnaa dil dard ki shiddat se Khoon gashta o sii paara

Dil dard kee shiddat se khoon-gashta o see-paara Is shahr men phirtaa hai ik vahshee-o-aavaara Shaa.er hai ki aasheeq hai, jogee hai ki banjaara Darvaaza khulaa rakhnaa Siine se ghaTaa uTThe aankhon se jhaDee barse Phaagun kaa nahin baadal, jo chaar-ghaDee barse Barkhaa hai ye bhaadon ki, barse to baDee barse Darvaaza khulaa rakhnaa Aankhon men to ik aalam aankhon men to dunya hai HonTon pe magar mohren munh se nahin kahtaa hai Kis chiiz ko kho baiThaa kya DhoonDne niklaa hai Darvaaza khulaa rakhnaa Haan thaam mohabbat kee gar thaam sake Doree Saajan hai tiraa saajan ab tujh se to kya choree Ye jis kee munaadee hai bastee men tiree goree Darvaaza khulaa rakhnaa Shikvon ko uThaa rakhnaa, aankhon ko bichhaa rakhnaa Ik sham.a dareeche kee chaukhaT pe jalaa rakhnaa Maayoos na phir jaa.e, haan paas-e-wafa rakhnaa Darvaaza khulaa rakhnaa Darvaaza khulaa rakhnaa Dil dard ki shiddat se KHun-gashta o si-para Is shahr mein phirta hai ek wahshi-o-awara Shaer hai ki aashiq hai, jogi hai ki banjara Darwaza khula rakhna Sine se ghaTa uTThe aankhon se jhaDi barse Phagun ka nahin baadal, jo chaar-ghaDi barse Barkha hai ye bhadon ki, barse to baDi barse Darwaza khula rakhna Aankhon mein to ek aalam aankhon mein to duniya hai HonTon pe magar mohren munh se nahin kahta hai Kis chiz ko kho baiTha kya DhunDne nikla hai Darwaza khula rakhna Han tham mohabbat ki gar tham sake Dori Sajan hai tera sajan ab tujh se to kya chori Ye jis ki munadi hai basti mein teri gori Darwaza khula rakhna Shikwon ko uTha rakhna, aankhon ko bichha rakhna Ek shama dariche ki chaukhaT pe jala rakhna Mayus na phir jae, han pas-e-wafa rakhna Darwaza khula rakhna Darwaza khula rakhna