dekh hamaare maathe par ye dasht e talab ki dhuul miyaan

Dekh hamaare maathe par ye dasht-e-talab kee dhuul miyaan Ham se ajab tiraa dard kaa naata dekh hamen mat bhuul miyaan Ahl-e-wafa se baat na karnaa hogaa tiraa usuul miyaan Ham kyuun chhoDen un galiyon ke pheron kaa ma.amool miyaan Yoonhee to naheen dasht men pahunche yoonhee to naheen jog liyaa Bastee bastee kaanTe dekhe jangal jangal phuul miyaan Ye to kaho kabhee ishq kiyaa hai jag men hue ho rusvaa bhi? Is ke sivaa ham Kuch bhee na poochhen baaqee baat fuzool miyaan Nasb karen mehraab-e-tamannaa diida o dil ko farsh karen Sunte hain wo koo-e-wafa men aaj karenge nuzool miyaan Sun to liyaa kisee naar kee khaatir kaaTaa koh nikaalee nahr Ek zaraa se qisse ko ab dete kyuun ho tuul miyaan Khelne den unhen ishq kee baazee khelenge to seekhenge 'qais' kee yaa 'farhaad' kee khaatir kholen kya schol miyaan Ab to hamen manzoor hai ye bhee shahr se nikleen rusvaa hoon Tujh ko dekhaa baaten kar liin mehnat huee vasool miyaan 'inshaa' jee kya uzr hai tum ko naqd-e-dil-o-jaan nazr karo Roop-nagar ke naake par ye lagtaa hai mahsool miyaan