dekh hamaarii diid ke kaaran kaisaa qaabil e diid huaa

Dekh hamaaree diid ke kaaran kaisaa qaabil-e-deed huaa Ek sitaara baiThe baiThe taabish men khursheed huaa Aaj to jaanee rasta takte shaam kaa chaand padeed huaa Too ne to inkaar kiyaa thaa dil kab naa-ummeed huaa Aan ke is beemaar ko dekhe tujh ko bhee taufeeq huee Lab par us ke naam thaa teraa jab bhee dard shadeed huaa Haan us ne jhalkee dikhlaa.ee ek hee pal ko dareeche men Jaano ik bijlee lahraa.ee aalam ek shaheed huaa Too ne ham se kalaam bhee chhoDaa arz-e-wafa ke sunte hee Pahle kaun qareeb thaa ham se ab to aur ba.iid huaa Dunya ke sab kaaraj chhoDe naam pe tere 'inshaa' ne Aur use kya thoDe gham the teraa ishq mazeed huaa