dil aashob

Yuun kahne ko raahen mulk-e-wafa kee ujaal gaya Ik dhund milee jis raah men paik-e-khayaal gaya Phir chaand hamen kisee raat kee god men Daal gaya Ham shahr men Thahren, aisa to jee kaa rog nahin Aur ban bhee hain suune un men bhee ham se log nahin Aur kooche ko tere lauTne kaa to savaal gaya Tire lutf-o-ataa kee dhuum sahee mahfil mahfil Ik shakhs tha inshaa naam-e-mohabbat men kaamil Ye shakhs yahaan paamaal raha, paamaal gaya Tiree chaah men dekhaa ham ne ba-haal-e-kharaab ise Par ishq o wafa ke yaad rahe aadaab ise Tiraa naam o maqaam jo poochhaa, hans kar Taal gaya Ik saal gaya, ik saal nayaa hai aane ko Par waqt kee bhee ab hosh nahin deevaane ko Dil haath se is ke vahshee hiran kee misaal gaya Ham ahl-e-wafa ranjoor sahee, majboor nahin Aur shahr-e-wafa se dasht-e-junoon kuch duur nahin Ham khush na sahee, par tere sar kaa vabaal gaya Ab husn ke gaD.h aur shahr-panaahen suunee hain Vo jo aashnaa the un sab kee nigaahen suunee hain Par too jo gaya har baat kaa jee se malaal gaya Yun kahne ko rahen mulk-e-wafa ki ujal gaya Ek dhund mili jis rah mein paik-e-KHayal gaya Phir chand hamein kisi raat ki god mein Dal gaya Hum shahr mein Thahren, aisa to ji ka rog nahin Aur ban bhi hain sune un mein bhi hum se log nahin Aur kuche ko tere lauTne ka to sawal gaya Tere lutf-o-ata ki dhum sahi mahfil mahfil Ek shaKHs tha insha nam-e-mohabbat mein kaamil Ye shaKHs yahan pamal raha, pamal gaya Teri chah mein dekha hum ne ba-haal-e-KHarab ise Par ishq o wafa ke yaad rahe aadab ise Tera nam o maqam jo puchha, hans kar Tal gaya Ek sal gaya, ek sal naya hai aane ko Par waqt ki bhi ab hosh nahin diwane ko Dil hath se is ke wahshi hiran ki misal gaya Hum ahl-e-wafa ranjur sahi, majbur nahin Aur shahr-e-wafa se dasht-e-junun kuch dur nahin Hum KHush na sahi, par tere sar ka wabaal gaya Ab husn ke gaDh aur shahr-panahen suni hain Wo jo aashna the un sab ki nigahen suni hain Par tu jo gaya har baat ka ji se malal gaya