dil ishq men be paayaan sauda ho to aisa ho

Dil ishq men be-paayaan sauda ho to aisa ho Dariyaa ho to aisa ho sahraa ho to aisa ho Ik khaal-e-suvaidaa men pahnaa.ee-e-do-aalam Phailaa ho to aisa ho simTaa ho to aisa ho Ai qais-e-junoon-pesha 'inshaa' ko kabhi dekhaa Vahshee ho to aisa ho rusvaa ho to aisa ho Dariyaa ba-hubaab-andar toofaan ba-sahaab-andar Mahshar ba-hijaab-andar honaa ho to aisa ho Ham se nahin rishta bhee ham se nahin miltaa bhee Hai paas wo baiThaa bhee dhokaa ho to aisa ho Wo bhee raha begaana ham ne bhee na pahchaanaa Haan ai dil-e-deevaana apna ho to aisa ho Is dard men kya kya hai rusvaa.ee bhee lazzat bhee KaanTaa ho to aisa ho chubhtaa ho to aisa ho Ham ne yahee maangaa thaa us ne yahee bakhshaa hai Banda ho to aisa ho daataa ho to aisa ho