dil sii chiiz ke gaahak honge do yaa ek hazaar ke biich

Dil see chiiz ke gaahak honge do yaa ek hazaar ke biich 'inshaa' jee kya maal liye baiThe ho tum baazaar ke biich Peenaa-pilaanaa 'ain gunah hai jee kaa lagaanaa 'ain havas Aap kee baaten sab sachchee hain lekin bharee bahaar ke biich Ai sakhiyo ai khush-nazro yak guuna karam khairaat karo Na.ara-zanaan Kuch log phiren hain sub.h se shahr-e-nigaar ke biich Khaar-o-khas-o-khaashaak to jaanen ek tujhee ko khabar na mile Ai gul-e-khoobee ham to 'abas badnaam hue gulzaar ke biich Minnat-e-qaasid kaun uThaa.e shikva-e-darbaan kaun kare Naama-e-shauq ghazal kee soorat chhapne ko do akhbaar ke biich