farz karo farz karo ham ahl e wafa hon farz karo diivaane hon
— Ibn E Insha
Farz karo ham ahl-e-wafa hon, farz karo deevaane hon
Farz karo ye donon baaten jhooTee hon afsaane hon
Farz karo ye jee kee biptaa jee se joD sunaa.ee ho
Farz karo abhee aur ho itnee aadhee ham ne chhupaa.ee ho
Farz karo tumhen khush karne ke DhoonDhe ham ne bahaane hon
Farz karo ye nain tumhaare sach-much ke mai-khaane hon
Farz karo ye rog ho jhooTaa jhooTee piit hamaaree ho
Farz karo is piit ke rog men saans bhee ham par bhaaree ho
Farz karo ye jog ba-jog kaa ham ne Dhong rachaayaa ho
Farz karo bas yahee haqeeqat baaqee sab kuch maayaa ho
Dekh miree jaan kah ga.e baahoo kaun dilon kee jaane 'huu'
Bastee bastee sahraa sahraa laakhon karen divaane 'huu'
Jogee bhee jo nagar nagar men maare maare phirte hain
Kaasa liye bhaboot ramaa.e sab ke dvaare phirte hain
Shaa.ir bhee jo meeThee baanee bol ke man ko harte hain
Banjaare jo oonche daamon jee ke saude karte hain
In men sachche motee bhee hain, in men kankar patthar bhee
In men uthle paanee bhee hain, in men gahre saagar bhee
Goree dekh ke aage baDhnaa sab kaa jhooTaa sachchaa 'huu'
Doobne vaalee Doob ga.ee wo ghaDaa tha jis kaa kachchaa 'huu'
Farz karo hum ahl-e-wafa hon, farz karo diwane hon
Farz karo ye donon baaten jhuTi hon afsane hon
Farz karo ye ji ki bipta ji se joD sunai ho
Farz karo abhi aur ho itni aadhi hum ne chhupai ho
Farz karo tumhein KHush karne ke DhunDhe hum ne bahane hon
Farz karo ye nain tumhaare sach-much ke mai-KHane hon
Farz karo ye rog ho jhuTa jhuTi pit hamari ho
Farz karo is pit ke rog mein sans bhi hum par bhaari ho
Farz karo ye jog ba-jog ka hum ne Dhong rachaya ho
Farz karo bas yahi haqiqat baqi sab kuch maya ho
Dekh meri jaan kah gae bahu kaun dilon ki jaane 'hu'
Basti basti sahra sahra lakhon karen diwane 'hu'
Jogi bhi jo nagar nagar mein mare mare phirte hain
Kasa liye bhabut ramae sab ke dware phirte hain
Shair bhi jo miThi bani bol ke man ko harte hain
Banjare jo unche damon ji ke saude karte hain
In mein sachche moti bhi hain, in mein kankar patthar bhi
In mein uthle pani bhi hain, in mein gahre sagar bhi
Gori dekh ke aage baDhna sab ka jhuTa sachcha 'hu'
Dubne wali Dub gai wo ghaDa tha jis ka kachcha 'hu'