hamen tum pe gumaan e vahshat thaa ham logon ko rusvaa kiyaa tum ne

Hamen tum pe gumaan-e-vahshat thaa ham logon ko rusvaa kiyaa tum ne Abhee fasl gulon kee nahin guzree kyuun daaman-e-chaak siyaa tum ne Is shahr ke log baDe hee sakhee baDaa maan karen durveshon kaa Par tum se to itne barham hain kya aan ke maang liyaa tum ne Kin raahon se ho kar aa.ee ho kis gul kaa sandesa laa.ee ho Ham baagh men khush khush baiThe the kya kar diyaa aa ke sabaa tum ne Wo jo qais ghareeb the un kaa junoon sabhee kahte hain ham se raha hai fuzoon Hamen dekh ke hans to diyaa tum ne kabhi dekhe hain ahl-e-wafa tum ne Gham-e-ishq men kaaree davaa na duaa ye hai rog kaThin ye hai dard buraa Ham karte jo apne se ho saktaa kabhi ham se bhee Kuch na kahaa tum ne Ab rah-rav-e-maanda se Kuch na kaho haan shaad raho aabaad raho BaDee der se yaad kiyaa tum ne baDee dard se dee hai sadaa tum ne Ik baat kahenge 'inshaa'-jee tumhen rekhta kahte umr huee Tum ek jahaan kaa ilm paDhe koi 'meer' saa sher kahaa tum ne