is bastii ke ik kuuche men is bastii ke ik kuuche men ik inshaa naam kaa diivaanaa

Is bastee ke ik kooche men ik 'inshaa' naam kaa deevaanaa Ik naar pe jaan ko haar gaya mash.hoor hai us kaa afsaanaa Us naar men aisa ruup na tha jis ruup se din kee dhoop dabe Is shahr men kya kya goree hai mahtaab-rukhe gulnaar-labe Kuchh baat thee us kee baaton men kuch bhed the us kee chitvan men Vahee bhed ki jot jagaate hain kisee chaahne vaale ke man men Use apna banaane kee dhun men huaa aap hee aap se begaana Is bastee ke ik kooche men ik 'inshaa' naam kaa deevaanaa Naa chanchal khel javaanee ke naa pyaar kee alhaD ghaaten thiin Bas raah men un kaa milnaa tha yaa phone pe un kee baaten thiin Is ishq pe ham bhee hanste the be-haasil saa be-haasil tha Ik zor bipharte saagar men naa kashtee thee naa saahil tha Jo baat thee in ke jee men thee jo bhed tha yaksar an-jaanaa Is bastee ke ik kooche men ik 'inshaa' naam kaa deevaanaa Ik roz magar barkhaa-rut men wo bhaadon thee yaa saavan tha Deevaar pe biich samundar ke ye dekhne vaalon ne dekhaa Mastaana haath men haath diye ye ek kagar par baiThe the Yuun shaam huee phir raat huee jab sailaanee ghar lauT ga.e Kyaa raat thee wo jee chaahtaa hai us raat pe likkhen afsaanaa Is bastee ke ik kooche men ik 'inshaa' naam kaa deevaanaa Haan umr kaa saath nibhaane ke the ahd bahut paimaan bahut Vo jin pe bharosa karne men kuch suud nahin nuqsaan bahut Vo naar ye kah kar duur huee 'majbooree saajan majbooree' Ye vahshat se ranjoor hue aur ranjooree see ranjooree? Us roz hamen ma.aloom huaa us shakhs kaa mushkil samjhaanaa Is bastee ke ik kooche men ik 'inshaa' naam kaa deevaanaa Go aag se chhaatee jaltee thee go aankh se Dariya bahtaa tha Har ek se dukh nahin kahtaa tha chup rahtaa tha gham sahtaa tha Naadaan hain wo jo chheDte hain is aalam men naa-daanon ko Us shakhs se ek javaab milaa sab apnon ko begaanon ko 'kuch aur kaho to suntaa hoon is baab men kuch mat farmaanaa' Is bastee ke ik kooche men ik 'inshaa' naam kaa deevaanaa Ab aage kaa tahqeeq nahin go sunne ko ham sunte the Us naar kee jo jo baaten thiin us naar ke jo jo qisse the Ik shaam jo us ko bulvaayaa kuch samjhaayaa bechaare ne Us raat ye qissa paak kiyaa kuch khaa hee liyaa dukhyaare ne Kyaa baat huee kis taur huee akhbaar se logon ne jaanaa Is bastee ke ik kooche men ik inshaa naam kaa deevaanaa Har baat kee khoj to Thiik nahin tum ham ko kahaanee kahne do Us naar kaa naam maqaam hai kya is baat pe pardaa rehne do Ham se bhee to sauda mumkin hai tum se bhee jafaa ho saktee hai Ye apna bayaan ho saktaa hai ye apnee kathaa ho ho saktee hai Vo naar bhee aakhir pachhtaa.ee kis kaam kaa aisa pachhtaanaa? Is bastee ke ik kooche men ik 'inshaa' naam kaa deevaanaa Is basti ke ek kuche mein ek 'insha' nam ka diwana Ek nar pe jaan ko haar gaya mashhur hai us ka afsana Us nar mein aisa rup na tha jis rup se din ki dhup dabe Is shahr mein kya kya gori hai mahtab-ruKHe gulnar-labe Kuchh baat thi us ki baaton mein kuch bhed the us ki chitwan mein Wahi bhed ki jot jagate hain kisi chahne wale ke man mein Use apna banane ki dhun mein hua aap hi aap se begana Is basti ke ek kuche mein ek 'insha' nam ka diwana Na chanchal khel jawani ke na pyar ki alhaD ghaten thin Bas rah mein un ka milna tha ya phone pe un ki baaten thin Is ishq pe hum bhi hanste the be-hasil sa be-hasil tha Ek zor bipharte sagar mein na kashti thi na sahil tha Jo baat thi in ke ji mein thi jo bhed tha yaksar an-jaana Is basti ke ek kuche mein ek 'insha' nam ka diwana Ek roz magar barkha-rut mein wo bhadon thi ya sawan tha Diwar pe bich samundar ke ye dekhne walon ne dekha Mastana hath mein hath diye ye ek kagar par baiThe the Yun sham hui phir raat hui jab sailani ghar lauT gae Kya raat thi wo ji chahta hai us raat pe likkhen afsana Is basti ke ek kuche mein ek 'insha' nam ka diwana Han umr ka sath nibhane ke the ahd bahut paiman bahut Wo jin pe bharosa karne mein kuch sud nahin nuqsan bahut Wo nar ye kah kar dur hui 'majburi sajan majburi' Ye wahshat se ranjur hue aur ranjuri si ranjuri? Us roz hamein malum hua us shaKHs ka mushkil samjhana Is basti ke ek kuche mein ek 'insha' nam ka diwana Go aag se chhati jalti thi go aankh se dariya bahta tha Har ek se dukh nahin kahta tha chup rehta tha gham sahta tha Nadan hain wo jo chheDte hain is aalam mein na-danon ko Us shaKHs se ek jawab mila sab apnon ko beganon ko 'kuch aur kaho to sunta hun is bab mein kuch mat farmana' Is basti ke ek kuche mein ek 'insha' nam ka diwana Ab aage ka tahqiq nahin go sunne ko hum sunte the Us nar ki jo jo baaten thin us nar ke jo jo qisse the Ek sham jo us ko bulwaya kuch samjhaya bechaare ne Us raat ye qissa pak kiya kuch kha hi liya dukhyare ne Kya baat hui kis taur hui aKHbar se logon ne jaana Is basti ke ek kuche mein ek insha nam ka diwana Har baat ki khoj to Thik nahin tum hum ko kahani kahne do Us nar ka nam maqam hai kya is baat pe parda rehne do Hum se bhi to sauda mumkin hai tum se bhi jafa ho sakti hai Ye apna bayan ho sakta hai ye apni katha ho ho sakti hai Wo nar bhi aaKHir pachhtai kis kaam ka aisa pachhtana? Is basti ke ek kuche mein ek 'insha' nam ka diwana