is shahr ke logon pe khatm sahii khush talatii o gul pairahnii

Is shahr ke logon pe khatm sahee khush-tal.atee-o-gul-pairahnee Mire dil kee to pyaas kabhee na bujhee mire jee kee to baat kabhee na banee Abhee kal hee kee baat hai jaan-e-jahaan yahaan fiil ke fiil the shor-kunaan Ab naara-e-ishq na zarb-e-fughaan ga.e kaun nagar wo wafa ke dhanee Koee aur bhee morid-e-lutf huaa milee ahl-e-havas ko havas kee sazaa Tire shahr men the hameen ahl-e-wafa milee ek hameen ko jilaa-vatanee Ye to sach hai ki ham tujhe paa na sake tiree yaad bhee jee se bhulaa na sake Tiraa daagh hai dil men charaagh-sifat tire naam kee zeb-e-guloo-kafnee Tum sakhtee-e-raah kaa gham na karo har daur kee raah men ham-safaro Jahaan dasht-e-khizaan vaheen vaadee-e-gul jahaan dhoop kaDee vahaan Chaaon ghanee Is 'ishq ke dard kee kaun davaa magar ek vazeefa hai ek du'aa PaDho 'meer'-o-'kabeer' ke bait kabit suno she'r-e-'nazeer' faqeer-o-ghanee