jhulsii sii ik bastii men

Haan dekhaa kal ham ne us ko dekhne kaa jise armaan tha Vo jo apne shahr se aage qarya-e-baagh-o-bahaaraan tha Soch raha hoon jang se pahle, jhulsee see is bastee men Kaisaa kaisaa ghar kaa maalik, kaisaa kaisaa mehmaan tha Sab galiyon men taranjan the aur har taranjan men sakhiyaan thiin Sab ke jee men aane vaalee kal kaa shauq-e-faraavaan tha Melon Thelon baajon gaajon baaraaton kee dhoomen thiin Aaj koi dekhe to samjhe, ye to sadaa bayaabaan tha Chaaron jaanib ThanDe choolhe, ujDe ujDe aangan hain Varna har ghar men the kamre, har kamre men saamaan tha Ujlee aur pur-noor shabeehen roz namaaz ko aatee thiin Masjid ke in taaqon men bhee kya kya diyaa farozaan tha UjDee manDee, laaghar kutte, TuuTe khambe khaalee khet Kyaa is nahr ke pul ke aage aisa shahr-e-khamoshaan tha Aaj ki ik roTee kee khaatir card dikhaataa phirtaa hai Puure kamp ko roTee de de aisa aisa dahqaan tha Taab nahin har ek se poochhen baabaa tujh par kya guzree Ek ko rok ke poochhaa ham ne, siina us kaa baryaan tha Bolaa log to aa.en jaa.en bastee ko phir basnaa hai Mere tinkon kee khaatir aayaa sara toofaan tha Aag ke andar aur tapish hai, aag ke baahar aur hee aanch Shaayad koi divaanaa hogaa be-shak chaak-girebaan tha Han dekha kal hum ne us ko dekhne ka jise arman tha Wo jo apne shahr se aage qarya-e-bagh-o-bahaaran tha Soch raha hun jang se pahle, jhulsi si is basti mein Kaisa kaisa ghar ka malik, kaisa kaisa mehman tha Sab galiyon mein taranjan the aur har taranjan mein sakhiyan thin Sab ke ji mein aane wali kal ka shauq-e-farawan tha Melon Thelon bajon gajon baraaton ki dhumen thin Aaj koi dekhe to samjhe, ye to sada bayaban tha Chaaron jaanib ThanDe chulhe, ujDe ujDe aangan hain Warna har ghar mein the kamre, har kamre mein saman tha Ujli aur pur-nur shabihen roz namaz ko aati thin Masjid ke in taqon mein bhi kya kya diya farozan tha UjDi manDi, laghar kutte, TuTe khambe KHali khet Kya is nahr ke pul ke aage aisa shahr-e-KHamoshan tha Aaj ki ek roTi ki KHatir card dikhata phirta hai Pure kamp ko roTi de de aisa aisa dahqan tha Tab nahin har ek se puchhen baba tujh par kya guzri Ek ko rok ke puchha hum ne, sina us ka baryan tha Bola log to aaen jaen basti ko phir basna hai Mere tinkon ki KHatir aaya sara tufan tha Aag ke andar aur tapish hai, aag ke bahar aur hi aanch Shayad koi diwana hoga be-shak chaak-gireban tha