kaatik kaa chaand

Chaand kab se hai sar-e-shaakh-e-sanobar aTkaa Ghaas shabnam men sharaabor hai shab hai aadhee Baam suunaa hai, kahaan DhoonDen kisee kaa chehraa (log samjhenge ki be-rabt hain baaten apnee) Sher ugte hain dukhee zehn se konpal konpal Kaun mausam hai ki bharpoor hain gham kee belen Duur pahunche hain sarakte hue uude baadal Chaand tanhaa hai (agar us kee balaa.en le len?) Dosto jee kaa ajab haal hai, lenaa baDhnaa Chaandnee raat hai kaatik kaa maheena hogaa Meer-e-maghfoor ke ash.aar na paiham paDhnaa Jiine vaalon ko abhee aur bhee jiinaa hogaa Chaand ThiThkaa hai sar-e-shaakh-e-sanobar kab se Kaun saa chaand hai kis rut kee hain raaten logo Dhund uDne lagee bunne lagee kya kya chehre Achchhee lagtee hain divaanon kee see baaten logo Bheegtee raat men dubkaa huaa jheengar bolaa Kasmasaatee kisee jhaaDee men se khushboo lapkee Koee kaakul koi daaman, koi aanchal hogaa Ek dunya thee magar ham se sameTee na ga.ee Ye baDaa chaand chamaktaa huaa chehra khole BaiThaa rahtaa hai sar-e-baam-e-shabistaan shab ko Ham to is shahr men tanhaa hain, hameen se bole Kaun is husn ko dekhegaa ye is se poochho Sone lagtee hai sar-e-shaam ye saaree dunya In ke hujron men na dar hai na dareecha koi In kee qismat men shab-e-maah ko ronaa kaisaa In ke siine men na hasrat na tamannaa koi Kis se is dard-e-judaa.ee kee shikaayat kahiye Yaan to siine men niystaan kaa niystaan hogaa Kis se is dil ke ujaDne kee hikaayat kahiye Sunne vaalaa bhee jo hairaan nahin, hairaan hogaa Aisee baaton se na kuch baat banegee apnee Suunee aankhon men niraashaa kaa ghulegaa kaajal Khaalee sapnon se na auqaat banegee apnee Ye shab-e-maah bhee kaT jaa.egee be-kal be-kal Jee men aatee hai ki kamre men bulaa len is ko Chaand kab se hai sar-e-shaakh-e-sanobar aTkaa Raat us ko bhee nigal jaa.egee bolo bolo Baam par aur na aa.egaa kisee kaa chehraa Chand kab se hai sar-e-shaKH-e-sanobar aTka Ghas shabnam mein sharabor hai shab hai aadhi Baam suna hai, kahan DhunDen kisi ka chehra (log samjhenge ki be-rabt hain baaten apni) Sher ugte hain dukhi zehn se konpal konpal Kaun mausam hai ki bharpur hain gham ki belen Dur pahunche hain sarakte hue ude baadal Chand tanha hai (agar us ki balaen le len?) Dosto ji ka ajab haal hai, lena baDhna Chandni raat hai katik ka mahina hoga Mir-e-maghfur ke ashaar na paiham paDhna Jine walon ko abhi aur bhi jina hoga Chand ThiThka hai sar-e-shaKH-e-sanobar kab se Kaun sa chand hai kis rut ki hain raaten logo Dhund uDne lagi bunne lagi kya kya chehre Achchhi lagti hain diwanon ki si baaten logo Bhigti raat mein dubka hua jhingar bola Kasmasati kisi jhaDi mein se KHushbu lapki Koi kakul koi daman, koi aanchal hoga Ek duniya thi magar hum se sameTi na gai Ye baDa chand chamakta hua chehra khole BaiTha rehta hai sar-e-baam-e-shabistan shab ko Hum to is shahr mein tanha hain, hamin se bole Kaun is husn ko dekhega ye is se puchho Sone lagti hai sar-e-sham ye sari duniya In ke hujron mein na dar hai na daricha koi In ki qismat mein shab-e-mah ko rona kaisa In ke sine mein na hasrat na tamanna koi Kis se is dard-e-judai ki shikayat kahiye Yan to sine mein niystan ka niystan hoga Kis se is dil ke ujaDne ki hikayat kahiye Sunne wala bhi jo hairan nahin, hairan hoga Aisi baaton se na kuch baat banegi apni Suni aankhon mein nirasha ka ghulega kajal KHali sapnon se na auqat banegi apni Ye shab-e-mah bhi kaT jaegi be-kal be-kal Ji mein aati hai ki kamre mein bula len is ko Chand kab se hai sar-e-shaKH-e-sanobar aTka Raat us ko bhi nigal jaegi bolo bolo Baam par aur na aaega kisi ka chehra