kuch de ise rukhsat kar

Kuch de ise rukhsat kar kyuun aankh jhukaa lee hai Haan dar pe tire maulaa! 'inshaa' bhee savaalee hai Is baat pe kyuun is kee itnaa bhee hijaab aa.e Fariyaad se be-bahra kashkol se khaalee hai Shaa.er hai to adnaa hai, aashiq hai to rusvaa hai Kis baat men achchhaa hai kis vasf men aalee hai Kis diin kaa murshid hai, kis kesh kaa mojid hai Kis shahr kaa shahna hai kis des kaa vaalee hai? Taazeem ko uThte hain is vaaste dil vaale Hazrat ne masheekhat kee ik tarah nikaalee hai Aavaara o sargardaan kafanee-ba-guloo-pechaan Daamaan bhee dureeda hai gudDee bhee sambhaalee hai Aavaara hai raahon men, dunya kee nigaahon men Izzat bhee miTaa lee hai tamkeen bhee ganvaa lee hai Aadaab se begaana, dar aayaa hai deevaana Ne haath men tohfa hai, ne saath men Daalee hai Bakhshish men ta.ammul hai aur aankh jhukaa lee hai Kuchh dar pe tire maulaa, ye baat niraalee hai 'inshaa' ko bhee rukhsat kar, 'inshaa' ko bhee kuch de de 'inshaa' se hazaaron hain, 'inshaa' bhee savaalee hai Kuchh de ise ruKHsat kar kyun aankh jhuka li hai Han dar pe tere maula! 'insha' bhi sawali hai Is baat pe kyun is ki itna bhi hijab aae Fariyaad se be-bahra kashkol se KHali hai Shaer hai to adna hai, aashiq hai to ruswa hai Kis baat mein achchha hai kis wasf mein aali hai Kis din ka murshid hai, kis kesh ka mojid hai Kis shahr ka shahna hai kis des ka wali hai? Tazim ko uThte hain is waste dil wale Hazrat ne mashiKHat ki ek tarah nikali hai Aawara o sargardan kafani-ba-gulu-pechan Daman bhi durida hai gudDi bhi sambhaali hai Aawara hai rahon mein, duniya ki nigahon mein Izzat bhi miTa li hai tamkin bhi ganwa li hai Aadab se begana, dar aaya hai diwana Ne hath mein tohfa hai, ne sath mein Dali hai BaKHshish mein tammul hai aur aankh jhuka li hai Kuchh dar pe tere maula, ye baat nirali hai 'insha' ko bhi ruKHsat kar, 'insha' ko bhi kuch de de 'insha' se hazaron hain, 'insha' bhi sawali hai