sab maayaa hai sab maayaa hai sab dhaltii phirtii chhaayaa hai

Sab maayaa hai, sab Dhaltee phirtee chhaayaa hai Is ishq men ham ne jo khoyaa jo paayaa hai Jo tum ne kahaa hai, 'faiz' ne jo farmaayaa hai Sab maayaa hai Haan gaahe gaahe diid kee daulat haath aa.ee Yaa ek wo lazzat naam hai jis kaa rusvaa.ee Bas is ke sivaa to jo bhee savaab kamaayaa hai Sab maayaa hai Ik naam to baaqee rahtaa hai, gar jaan nahin Jab dekh liyaa is saude men nuqsaan nahin Tab sham.a pe dene jaan patingaa aayaa hai Sab maayaa hai Ma.aloom hamen sab qais miyaan kaa qissa bhee Sab ek se hain, ye raanjhaa bhee ye 'inshaa' bhee Farhaad bhee jo ik nahr see khod ke laayaa hai Sab maayaa hai Kyuun dard ke naame likhte likhte raat karo Jis saat samundar paar kee naar kee baat karo Us naar se koi ek ne dhokaa khaayaa hai? Sabab maayaa hai Jis goree par ham ek ghazal har shaam likhen Tum jaante ho ham kyoonkar us kaa naam likhen Dil us kee bhee chaukhaT chuum ke vaapas aayaa hai Sab maayaa hai Vo laDkee bhee jo chaand-nagar kee raanee thee Vo jis kee alhaD aankhon men hairaanee thee Aaj us ne bhee paighaam yahee bhijvaayaa hai Sab maayaa hai Jo log abhee tak naam wafa kaa lete hain Vo jaan ke dhoke khaate, dhoke dete hain Haan Thok-bajaa kar ham ne hukm lagaayaa hai Sab maayaa hai Jab dekh liyaa har shakhs yahaan harjaa.ee hai Is shahr se duur ik kuTiyaa ham ne banaa.ee hai Aur us kuTiyaa ke maathe par likhvaayaa hai Sab maayaa hai Sab maya hai, sab Dhalti phirti chhaya hai Is ishq mein hum ne jo khoya jo paya hai Jo tum ne kaha hai, 'faiz' ne jo farmaya hai Sab maya hai Han gahe gahe did ki daulat hath aai Ya ek wo lazzat nam hai jis ka ruswai Bas is ke siwa to jo bhi sawab kamaya hai Sab maya hai Ek nam to baqi rehta hai, gar jaan nahin Jab dekh liya is saude mein nuqsan nahin Tab shama pe dene jaan patinga aaya hai Sab maya hai Malum hamein sab qais miyan ka qissa bhi Sab ek se hain, ye ranjha bhi ye 'insha' bhi Farhad bhi jo ek nahr si khod ke laya hai Sab maya hai Kyun dard ke name likhte likhte raat karo Jis sat samundar par ki nar ki baat karo Us nar se koi ek ne dhoka khaya hai? Sabab maya hai Jis gori par hum ek ghazal har sham likhen Tum jaante ho hum kyunkar us ka nam likhen Dil us ki bhi chaukhaT chum ke wapas aaya hai Sab maya hai Wo laDki bhi jo chand-nagar ki rani thi Wo jis ki alhaD aankhon mein hairani thi Aaj us ne bhi paigham yahi bhijwaya hai Sab maya hai Jo log abhi tak nam wafa ka lete hain Wo jaan ke dhoke khate, dhoke dete hain Han Thok-baja kar hum ne hukm lagaya hai Sab maya hai Jab dekh liya har shaKHs yahan harjai hai Is shahr se dur ek kuTiya hum ne banai hai Aur us kuTiya ke mathe par likhwaya hai Sab maya hai