shaam e gam ki sahar nahin hotii

Shaam-e-gham kee sahar nahin hotee Yaa hameen ko khabar nahin hotee Ham ne sab dukh jahaan ke dekhe hain Bekalee is qadar nahin hotee Naala yuun naa-rasaa nahin rahtaa Aah yuun be-asar nahin hotee Chaand hai kahkashaan hai taare hain Koi shai naama-bar nahin hotee Ek jaan-soz o naa-muraad khalish Is taraf hai udhar nahin hotee Dosto ishq hai khataa lekin Kya khataa darguzar nahin hotee Raat aa kar guzar bhee jaatee hai Ik hamaaree sahar nahin hotee Be-qaraaree sahee nahin jaatee Zindagee mukhtasar nahin hotee Ek din dekhne ko aa jaate Ye havas umr bhar nahin hotee Husn sab ko khuda nahin deta Har kisee kee nazar nahin hotee Dil piyaala nahin gadaa.ee kaa Aashiqee dar-ba-dar nahin hotee