us husn ke naam pe yaad aae sab manzar faiz ki nazmon ke
— Ibn E Insha
Us husn ke naam pe yaad aa.e sab manzar 'faiz' kee nazmon ke
Vahee rang-e-hinaa vahee band-e-qabaa vahee phuul khile pairaahan men
Kuch wo jinhen ham se nisbat thee un koochon men aan aabaad hue
Kuch arsh pe taare kahlaa.e Kuch phuul bane jaa gulshan men
Ham logon ke aane se pahle bhee tum log udhar se guzarte the
Kabhee phuul bhee dekhe ghurfon men kabhee qaus-e-quzah kisee chilman men
Yuun karne ko ishq pe qaid naheen sab karte hain achchhaa karte hain
Par ham se bahut bhee naheen guzre Kuch log the misr-o-madyan men
Ham un se jo mil kar duur hue Kuch khush hue Kuch ranjoor hue
Ab dil kaa Thikaana mushkil hai haan jaan rahegee aiman men