ye kaun aayaa

'inshaa'-jee ye kaun aayaa kis des kaa baasee hai HonTon pe tabassum hai aankhon men udaasee hai Khvaabon ke gulistaan kee khush-boo-e-dil-aaraa hai Yaa sub.h-e-tamannaa ke maathe kaa sitaaraa hai Tarsee huee nazron ko ab aur na tarsaa re Ai husn ke saudaagar ai ruup ke banjaare Ramnaa dil-e-'inshaa' kaa ab teraa Thikaanaa ho Ab koi bhee soorat ho ab koi bahaanaa ho Khaakistar-e-dil ko hai phir shola-ba-jaan honaa Hairat kaa jahaan honaa hasrat kaa nishaan honaa Ai shakhs jo too aakar yuun dil men samaayaa hai Too dard ki darmaan hai to dhoop ki saayaa hai? Nainaan tire jaadoo hain gesoo tire khushboo hain Baaten kisee jangal men bhaTkaa huaa aahoo hain Maqsood-e-wafa sun le kya saaf hai saada hai Jiine kee tamannaa hai marne kaa iraada hai 'insha'-ji ye kaun aaya kis des ka basi hai HonTon pe tabassum hai aankhon mein udasi hai KHwabon ke gulistan ki KHush-bu-e-dil-ara hai Ya subh-e-tamanna ke mathe ka sitara hai Tarsi hui nazron ko ab aur na tarsa re Ai husn ke saudagar ai rup ke banjare Ramna dil-e-'insha' ka ab tera Thikana ho Ab koi bhi surat ho ab koi bahana ho KHakistar-e-dil ko hai phir shola-ba-jaan hona Hairat ka jahan hona hasrat ka nishan hona Ai shaKHs jo tu aakar yun dil mein samaya hai Tu dard ki darman hai to dhup ki saya hai? Nainan tere jadu hain gesu tere KHushbu hain Baaten kisi jangal mein bhaTka hua aahu hain Maqsud-e-wafa sun le kya saf hai sada hai Jine ki tamanna hai marne ka irada hai