ab bhi tauhiin e itaaat nahin hogii ham se

Ab bhee tauheen-e-itaa.at nahin hogee ham se Dil nahin hogaa to bai.at nahin hogee ham se Roz ik taaza qaseeda na.ee tashbeeb ke saath Rizq bar-haq hai ye khidmat nahin hogee ham se Dil ke ma.abood jabeenon ke khuda.ee se alag Aise aalam men ibaadat nahin hogee ham se Ujrat-e-ishq wafa hai to ham aise mazdoor Kuchh bhee kar lenge ye mehnat nahin hogee ham se Har na.ee nasl ko ik taaza madeene kee talaash Saahibo ab koi hijrat nahin hogee ham se Sukhan-aaraa.ee kee soorat to nikal saktee hai Par ye chakkee kee mashaqqat nahin hogee ham se Ab bhi tauhin-e-itaat nahin hogi hum se Dil nahin hoga to baiat nahin hogi hum se Roz ek taza qasida nai tashbib ke sath Rizq bar-haq hai ye KHidmat nahin hogi hum se Dil ke mabud jabinon ke KHudai se alag Aise aalam mein ibaadat nahin hogi hum se Ujrat-e-ishq wafa hai to hum aise mazdur Kuchh bhi kar lenge ye mehnat nahin hogi hum se Har nai nasl ko ek taza madine ki talash Sahibo ab koi hijrat nahin hogi hum se SuKHan-arai ki surat to nikal sakti hai Par ye chakki ki mashaqqat nahin hogi hum se