abuu taalib ke bete

Jabeen-e-vaqt par likkhee huee sachchaa.iyaan raushan rahi hain Taa-abad raushan rahengee Khudaa shaahid hai aur wo zaat shaahid hai ki jo vaj.h-e-asaas-e-anafas-o-aafaaq hai Aur khair kee taareekh kaa wo baab-e-avval hai Abad tak jis kaa faizaan-e-karam jaaree rahegaa Yaqeen ke aagahee ke raushnee ke qaafile har daur men aate rahe hain Taa-abad aate rahenge Aboo-taalib ke beTe hifz-e-naamoos-e-risaalat kee rivaayat ke amiin the Jaan denaa jaante the Vo muslim hon ki wo abbaas hon aun o mohamaad hon alee-akbar hon qaasim hon alee-asghar hon Haq pahchaante the Lashkar-e-baatil ko kab gardaante the Aboo-taalib ke beTe sar-bureeda ho ke bhee ailaan-e-haq karte rahe hain Aboo-taalib ke beTe paa-ba-jaulaan ho ke bhee ailaan-e-haq karte rahe hain Aboo-taalib ke beTe sarf-e-zindaan ho ke bhee ailaan-e-haq karte rahe hain Madeena ho najaf ho karbalaa ho kaazimain o saamira ho mash.had o baghdaad ho Aal-e-aboo-taalib ke qadmon ke nishaan Insaaniyat ko us kee manzil kaa pata dete rahe hain taa-abad dete rahenge Aboo-taalib ke beTon aur ghulmaan-e-alee-ibn-e-abee-taalib men ik nisbat rahi hai Mohabbat kee ye nisbat umar bhar qaa.em rahegee Taa-abad qaa.em rahegee Jabin-e-waqt par likkhi hui sachchaiyan raushan rahi hain Ta-abad raushan rahengi KHuda shahid hai aur wo zat shahid hai ki jo wajh-e-asas-e-anafas-o-afaq hai Aur KHair ki tariKH ka wo bab-e-awwal hai Abad tak jis ka faizan-e-karam jari rahega Yaqin ke aagahi ke raushni ke qafile har daur mein aate rahe hain Ta-abad aate rahenge Abu-talib ke beTe hifz-e-namus-e-risalat ki riwayat ke amin the Jaan dena jaante the Wo muslim hon ki wo abbas hon aun o mohamad hon ali-akbar hon qasim hon ali-asghar hon Haq pahchante the Lashkar-e-baatil ko kab gardante the Abu-talib ke beTe sar-burida ho ke bhi ailan-e-haq karte rahe hain Abu-talib ke beTe pa-ba-jaulan ho ke bhi ailan-e-haq karte rahe hain Abu-talib ke beTe sarf-e-zindan ho ke bhi ailan-e-haq karte rahe hain Madina ho najaf ho karbala ho kazimain o samira ho mashhad o baghdad ho Aal-e-abu-talib ke qadmon ke nishan Insaniyat ko us ki manzil ka pata dete rahe hain ta-abad dete rahenge Abu-talib ke beTon aur ghulman-e-ali-ibn-e-abi-talib mein ek nisbat rahi hai Mohabbat ki ye nisbat umar bhar qaem rahegi Ta-abad qaem rahegi