aur havaa chup rahii shaakh e zaituun par kam sukhan faakhtaaon ke itne basere ujaade gae

Shaakh-e-zaitoon par kam-sukhan faakhtaaon ke itne basere ujaaDe ga.e Aur havaa chup rahi Be-karaan aasmaanon kee pihnaa.iyaan be-nasheman shikasta paron kee tag-o-taaz par bain kartee raheen Aur havaa chup rahi Zard parcham uDaataa huaa lashkar-e-be-amaan gul-zameenon ko paamaal kartaa raha Aur havaa chup rahi Aarzoomand aankhen bashaarat-talab dil duaaon ko uTThe hue haath sab be-samar rah ga.e Aur havaa chup rahi Aur tab habs ke qaharmaan mausamon ke azaab in zameenon pe bheje ga.e Aur munaadee karaa dee ga.ee Jab kabhi rang kee khushbuon kee uDaanon kee awaaz kee aur khawabon kee tauheen kee jaa.egee Ye azaab in zameenon pe aate rahenge ShaKH-e-zaitun par kam-suKHan faKHtaon ke itne basere ujaDe gae Aur hawa chup rahi Be-karan aasmanon ki pihnaiyan be-nasheman shikasta paron ki tag-o-taz par bain karti rahin Aur hawa chup rahi Zard parcham uData hua lashkar-e-be-aman gul-zaminon ko pamal karta raha Aur hawa chup rahi Aarzumand aankhen bashaarat-talab dil duaon ko uTThe hue hath sab be-samar rah gae Aur hawa chup rahi Aur tab habs ke qaharman mausamon ke azab in zaminon pe bheje gae Aur munadi kara di gai Jab kabhi rang ki KHushbuon ki uDanon ki aawaz ki aur KHwabon ki tauhin ki jaegi Ye azab in zaminon pe aate rahenge