azaab ye bhi kisi aur par nahin aayaa

Azaab ye bhee kisee aur par nahin aayaa Ki ek umr chale aur ghar nahin aayaa Us ek khvaab kee hasrat men jal bujheen aankhen Vo ek khvaab ki ab tak nazar nahin aayaa Karen to kis se karen naa-rasaa.iyon kaa gila Safar tamaam huaa ham-safar nahin aayaa Dilon kee baat badan kee zabaan se kah dete Ye chaahte the magar dil idhar nahin aayaa Ajiib hee thaa mire daur-e-gumrahee kaa rafeeq BichhaD gaya to kabhi lauT kar nahin aayaa Hareem-e-lafz-o-ma.aanee se nisbaten bhee raheen Magar saleeqa-e-arz-e-hunar nahin aayaa Azab ye bhi kisi aur par nahin aaya Ki ek umr chale aur ghar nahin aaya Us ek KHwab ki hasrat mein jal bujhin aankhen Wo ek KHwab ki ab tak nazar nahin aaya Karen to kis se karen na-rasaiyon ka gila Safar tamam hua ham-safar nahin aaya Dilon ki baat badan ki zaban se kah dete Ye chahte the magar dil idhar nahin aaya Ajib hi tha mere daur-e-gumrahi ka rafiq BichhaD gaya to kabhi lauT kar nahin aaya Harim-e-lafz-o-maani se nisbaten bhi rahin Magar saliqa-e-arz-e-hunar nahin aaya