bad shuguunii ajab ghadii thii

Ajab ghaDee thee Kitaab keechaD men gir paDee thee Chamakte lafzon kee mailee aankhon men uljhe aansoo bulaa rahe the Magar mujhe hosh hee kahaan thaa Nazar men ik aur hee jahaan thaa Na.e na.e manzaron kee khwaish men apne manzar se kaT gaya hoon Na.e na.e daa.eron kee gardish men apne mehvar se haT gaya hoon Sila jazaa khauf naa-umeedee Umiid imkaan be-yaqeenee Hazaar khaanon men baT gaya hoon Ab is se pahle ki raat apnee kamand Daale ye chaahtaa hoon ki lauT jaaon Ajab nahin wo kitaab ab bhee vaheen paDee ho Ajab nahin aaj bhee miree raah dekhtee ho Chamakte lafzon kee mailee aankhon men uljhe aansoo Ajab nahin mere lafz mujh ko muaaf kar den Havaa-o-hirs-o-havas kee sab gard saaf kar den Ajab ghaDee thee Kitaab keechaD men gir paDee thee Ajab ghaDi thi Kitab kichaD mein gir paDi thi Chamakte lafzon ki maili aankhon mein uljhe aansu bula rahe the Magar mujhe hosh hi kahan tha Nazar mein ek aur hi jahan tha Nae nae manzaron ki KHwahish mein apne manzar se kaT gaya hun Nae nae daeron ki gardish mein apne mehwar se haT gaya hun Sila jaza KHauf na-umidi Umid imkan be-yaqini Hazar KHanon mein baT gaya hun Ab is se pahle ki raat apni kamand Dale ye chahta hun ki lauT jaun Ajab nahin wo kitab ab bhi wahin paDi ho Ajab nahin aaj bhi meri rah dekhti ho Chamakte lafzon ki maili aankhon mein uljhe aansu Ajab nahin mere lafz mujh ko muaf kar den Hawa-o-hirs-o-hawas ki sab gard saf kar den Ajab ghaDi thi Kitab kichaD mein gir paDi thi