bikhar jaaenge ham kya jab tamaashaa khatm hogaa

Bikhar jaa.enge ham kya jab tamaashaa khatm hogaa Mire ma.abood aakhir kab tamaashaa khatm hogaa Charaagh-e-hujra-e-darvesh kee bujhtee huee lau Havaa se kah ga.ee hai ab tamaashaa khatm hogaa Kahaanee men na.e kirdaar shaamil ho ga.e hain Naheen ma.aloom ab kis Dhab tamaashaa khatm hogaa Kahaanee aap uljhee hai ki uljhaa.ee ga.ee hai Ye uqda tab khulegaa jab tamaashaa khatm hogaa Zameen jab adl se bhar jaa.egee noorun-alaa-noor Ba-naam-e-maslak-o-maz.hab tamaashaa khatm hogaa Ye sab kaTh-putliyaan raqsaan rahengee raat kee raat Sahar se pahle pahle sab tamaashaa khatm hogaa Tamaashaa karne vaalon ko khabar dee jaa chukee hai Ki parda kab giregaa kab tamaashaa khatm hogaa Dil-e-naa-mutma.in aisa bhee kya maayoos rahnaa Jo khalq uTThee to sab kartab tamaashaa khatm hogaa Bikhar jaenge hum kya jab tamasha KHatm hoga Mere mabud aaKHir kab tamasha KHatm hoga Charagh-e-hujra-e-darwesh ki bujhti hui lau Hawa se kah gai hai ab tamasha KHatm hoga Kahani mein nae kirdar shamil ho gae hain Nahin malum ab kis Dhab tamasha KHatm hoga Kahani aap uljhi hai ki uljhai gai hai Ye uqda tab khulega jab tamasha KHatm hoga Zamin jab adl se bhar jaegi nurun-ala-nur Ba-nam-e-maslak-o-mazhab tamasha KHatm hoga Ye sab kaTh-putliyan raqsan rahengi raat ki raat Sahar se pahle pahle sab tamasha KHatm hoga Tamasha karne walon ko KHabar di ja chuki hai Ki parda kab girega kab tamasha KHatm hoga Dil-e-na-mutmain aisa bhi kya mayus rahna Jo KHalq uTThi to sab kartab tamasha KHatm hoga