dost kya khud ko bhi pursish ki ijaazat nahin dii

Dost kya khud ko bhee pursish kee ijaazat nahin dee Dil ko Khoon hone diyaa aankh ko zahmat nahin dee Ham bhee us silsila-e-ishq men bai.at hain jise Hijr ne dukh na diyaa vasl ne raahat nahin dee Ham bhee ik shaam bahut uljhe hue the khud men Ek shaam us ko bhee haalaat ne mohlat nahin dee Aajizee bakhshee ga.ee tamkanat-e-faqr ke saath Dene vaale ne hamen kaun see daulat nahin dee Bevafaa dost kabhi lauT ke aa.e to unhen Ham ne iz.haar-e-nadaamat kee aziyyat nahin dee Dil kabhi khvaab ke peechhe kabhi Dunya kee taraf Ek ne ajr diyaa ek ne ujrat nahin dee Dost kya KHud ko bhi pursish ki ijazat nahin di Dil ko KHun hone diya aankh ko zahmat nahin di Hum bhi us silsila-e-ishq mein baiat hain jise Hijr ne dukh na diya wasl ne rahat nahin di Hum bhi ek sham bahut uljhe hue the KHud mein Ek sham us ko bhi haalat ne mohlat nahin di Aajizi baKHshi gai tamkanat-e-faqr ke sath Dene wale ne hamein kaun si daulat nahin di Bewafa dost kabhi lauT ke aae to unhen Hum ne izhaar-e-nadamat ki aziyyat nahin di Dil kabhi KHwab ke pichhe kabhi duniya ki taraf Ek ne ajr diya ek ne ujrat nahin di